【絕地吶喊】認命定走佬?Switch 超鬱悶脫出遊戲《Black The Fall》

Switch 除咗有大量炒冷飯遊戲之外,同時亦係唔少 Indie 遊戲試水溫嘅平台,今次同大家介紹呢隻《Black The Fall》由羅馬尼亞遊戲開發工作室「Sand Sailor Studio」製作,雖然話就話係脫出遊戲,但係故事同埋設定氛圍,就充滿住滿滿嘅鬱悶感,仲帶有幾分東歐嘅異色風情添!

遊戲入面,玩家身處一個超級獨裁嘅世界,喺呢個高壓社會入面,你一係就一世做政府奴隸、做到你死為止;一 係就走佬,嘗試反抗呢種生活方式!

主角隨住年紀漸長,對呢種命運越黎越唔甘心,呢個時候佢遇上一個同樣遭受不公平待遇嘅機械人,佢地心諗,反正點都係死路一條,不如盡地一舖,試吓走佬啦!

所以,呢個遊戲,係一個著草嘅故事。

雖然我嘅描述好似懶係輕鬆咁,不過呢隻 Indie 遊戲嘅感覺其實都相當灰暗的,怕闀豬嘅朋友就考慮下啦!遊戲定價 1,600円(税込),2018 年 4 月 12 日上架。

About 神婆

神婆 非典型占卜師,唔神秘,無形象,除了鐘意聽客人講故事,夜間興趣係打機睇動漫同玩貓;日系遊戲及 JRPG 專攻! https://www.facebook.com/katechengyk

Connect

Connect on Facebook View all Posts