【治癒系休閒 Play】手機遊戲《思い出の食堂物語》經營昭和風味食堂!

相信有唔少朋友玩手機遊戲偶爾只係想輕鬆下,今次介紹比大家呢隻《思い出の食堂物語》或者會適合你?

遊戲主線就圍繞一對經營餐館嘅年老夫婦,因為阿伯身體唔好,所以阿婆就要出黎睇住間餐廳!玩法就好簡單,玩家不斷接客人 Order 提供食物,隨住每種食物烹調次數增加,食物就會升 Level 可以收更貴價錢,同時亦會解鎖新食譜。

賺到嘅錢就可以用黎 Upgrade 店舖設備

咁點解我話呢個遊戲係治癒系呢?因為隨住客人黎幫襯次數越多,佢地各自亦會交流自己嘅故事,有去過日本旅行嘅朋友或者會有共鳴,日本地方老式小店其實係好鐘意同客人吹水的(笑)

《思い出の食堂物語》遊戲好短,但係作為輕鬆玩都幾有趣的,下載費用全免,按我經驗亦無必要喺遊戲內課金都可以玩得好順利,有興趣嘅朋友可以留意一下!

iOS 下載傳送門
Android 下載傳送門

About 神婆

神婆 非典型占卜師,唔神秘,無形象,除了鐘意聽客人講故事,夜間興趣係打機睇動漫同玩貓;日系遊戲及 JRPG 專攻! https://www.facebook.com/katechengyk

Connect

Connect on Facebook View all Posts