【老玩家注意】教你砌隻經典LEGO鴨

依家玩 LEGO 嘅都只係知係塑膠做,未轉塑膠之前其實係真積木玩具,係用木頭做架!所以 2011 年當時嘅 LEGO 員工聖誕禮物就紀念 30 年代舊作,出左隻 2011 LEGO Duck 去懷舊一番。

1935年嘅 LEGO Duck

2011 LEGO Duck

講得紀念款就當然大家就算有都唔會捨得開啦!但依家搵到個高手教大家砌,而且仲比官方版更得意。JK Brickworks 呢個團隊唔陌生啦,今次就係佢地出手用依家嘅 LEGO 件去教大家砌返隻經典得意 LEGO Duck

JK Brickworks 網站雖然連步驟說明書都有得比大家下載,但都有唔少玩家頭痛點樣去執呢個 MOC 嘅件,依家教多你一個方法。其實好多嘅創作者都會將自己嘅作品放埋上一個叫 MOCHUB 嘅網站,比啲懶出去執件嘅玩家連圖連件一次過寄到你府上,而JK Brickworks 佢地當然有作品放上去啦!

懶出去搵嘅朋友可以試下去 MOCHUB 網站幫襯下,鍾意自己執件嘅試快啲 Download 份說明書睇睇啦!

MOCHUB 網站傳送門

 

About 阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 乜都識少少但係唔怕問唔怕學,周身刀冇張利嘅阿宅!

Connect

View all Posts