《Overwatch 鬥陣特攻》角色心得:圓碌碌 Mei

mei_hero_select_beta

 

《Overwatch 鬥陣特攻》有好多角色,各有特色,不同人一定搵到自己喜歡的人物。VJ GAMER 將會介紹唔同的角色及簡單使用心得,希望各位喜歡。

選擇角色的畫面中,已經有角色簡單分類,分別為攻擊類、防守類、坦克類、支援類。

圓碌碌既阿 Mei 屬於防守類。

 

VJGame 角色評價: ★ ★ ★ ★ ★

 

特色:

有緩速有無敵回血技,有製造障礙物技能,移動速度中上,血量 250,整體能力都屬於上級,個人認為係而家呢個版本 3強之一。唯一弱點係遠距離弱同瞬間輸出唔夠高。

(其他防守角色,各有強弱項,敬請留意其他角色介紹。)

基本上 Mei 屬於進階角色,除咗要搵位接近敵人外,冰牆用得唔好時會變相幫敵人進攻,不建議新手使用。

 

技能及技巧:

overwatch (6)

 

 

冰槍擁有二種攻擊模式

R2:噴凍氣,射程中距離,命中對手時已經會附加緩速狀態,持續命中約 2秒後對方會變成雪條,雪條狀態大約會維持 2秒,呢個時候可以盡情侮辱對手啦 (例如噴野咁啦),弱點係攻擊力只有中級強度。

 

持續命中變成雪條狀態

overwatch (2)

 

L2:射出冰柱,射程遠距離,命中範圍差,攻擊力高。每發射出之前會有大約半秒做冰時間,彈速高難控制,主要用於打雪條。

 

 打頭傷害非常高

overwatch (3)

 

 

L1 冰霜屏障

自己變成冰塊,呢個時候會變成無敵狀態而且可以回接近160左右血量,係冰塊狀態下亦可以隨時撳 L2 取消,CD 約12秒,非常強勢既技能!

13323522_10209737786664722_4785461261065368812_o (1)

Mei 主力技能,除咗唔夠打時回血再戰之外,另一個用法係衝入敵陣,放大絕同時變冰塊引人集火,敵方中計後可以視情況加入抽水或者逃走。

 

對方成功中伏

螢幕擷取畫面 (15)

 

R1 冰檣

另一強橫技能,可以隨意係遠中近距離放出一道冰牆,持續約5秒,CD 5秒。冰牆除咗可以阻視線令到自動砲塔打唔到你之外,亦都可以係團隊進攻既手段,例如配合泡菜妹,先用冰牆阻擋敵人視線,然後泡菜妹向上方掉機械人出去自爆,由於視線阻檔關係,敵人多數反應唔黎。此為其中一種用法,當然仲有好多用途,視乎閣下既創意啦!

overwatch (8)

 

大絕「冷氣機」

指定範圍內持續放出冷氣並做成傷害,約2秒左右會變雪條。

overwatch (1)

攻守階萬能既大絕,放出後對放唔逃離攻擊範圍既話基本上等佢既只有死亡 (當然要隊友配合啦),而且係大範圍既關係,對於打散防守方既陣型有奇效!

 

 

技巧——時刻轉換自己係團隊既位置

製造 1 on 1 場面

Mei 係唔適合打混戰既角色,基本上比 2隻角色圍既時候會出現危機,因為係無瞬發攻擊力既,所以時刻要製造 1 on 1既場合,除咗少數角色外 (例如豬豬),冰女 1 on 1基本佔有優勢。

 

錯誤示範……1 on 1 揀坦黎挑實在太浪費時間

螢幕擷取畫面 (19)

 

用冰牆控牆

好多時候需要用到冰牆封出口或者阻截對方團隊隊型,甚至乎係推點推車都會用得到。除咗上面講過既配合用法之外,另一種玩法就會係發生係窄路 / 出入口位時用到。當你見到有超過1個敵人係同一個位進攻時,可以睇準時間起冰牆,做成後面既敵人無法子跟上既情況,當成功截斷對面隊型既時候,我方會有大約5秒時間可以 6 vs 1,做成對我方有利既局面。

 

一隊人想入,變咗得返 76一個……慘慘豬

螢幕擷取畫面 (9)

 

可以瞬間改變我方攻擊位置

overwatch (7)

 

阿源爆大絕,封路令對方路線減少

螢幕擷取畫面 (16) 螢幕擷取畫面 (17)

 

總結

Mei 的強大好大部份黎黎自佢把持續傷害既凍氣槍,面對住閃光,阿源呢類少血角色,進入 Mei 射程範圍後基本上死亡率極高,所以團戰時 Mei 優先鎖定少血角色,避開坦型角色,隨時準備用冰牆分隔對方團隊!記住團戰時既 Mei 並唔係殺手,而係一件好煩既煩膠,對方覺得你越煩即係代表你玩得越好!

 

控場優先

螢幕擷取畫面 (21)

 

幾有型

About 森麻

VJGamer總編 (毒撚),歡迎投稿

Connect

Connect on Facebook View all Posts