《Dark Soul 3 黑暗靈魂 3》連線機制說明

dark_souls_3_co-op_-600x338

Dark Soul系列難玩呢個係常識黎架啦,咁大家唔夠楸果陣梗係要 Call幫手,但係 Dark Soul既連線不嬲都係極極極唔 User Friendly既,因為每代都有唔同既連線機制,呢度主要係講下3代機制。

 

連線準則

今集同一代一樣,只要等級相近既玩家就可以召喚到,根據經驗大約係相差上下 10lv之內。另外因為只計LV關係,所以亦都唔洗再好似二代,Bloodbrone咁要睇靈魂記憶量。即使係 NG / NG+只要等級相近就可以召喚到。

另外值得留意係今集有暗號設定既關係,只要有設定暗號就可以無視等級召喚對方。

dark-souls-3


 

連線人數

Dark Soul 3 支援最大連線人數為6人,分別為3個『合作靈體』,2個『入侵靈體』(即係俗稱紅魂),最後1個就是玩家一人,總計6人

但係正常情況下,系統最多只係支援4人連線,分別是2個『合作靈體』,1個『入侵靈體』,同埋玩家自身。咁點先可以升到 6人連線呢?答案就係使用『幹縮手指』呢樣道具。

當使用『幹縮手指』後,就會移除『入侵保護時間』,並且可以召喚第三個『合作靈體』,但係代價就蟹會開多一個位比紅魂,形成 4 vs 2既局面。

DarkSouls3_PvP


連線基礎

Dark Soul 系列連線一向分為『合作』同『入侵』,但係無論以上邊種都要完成一啲基本野先可以做到。

合作模式
分為『召喚者』同『被召喚者』,『召喚者』需要事先使用道具『餘燼』,從而令角色進入『餘燼模式』來獲得成為Host權利。當成位Host之後,玩家可以睇到其他玩家畫既『召喚符』,行埋去點選即可召喚出對方

而作為『被召喚者』,只需要準備好『白臘石蠟筆』,之後就可以畫自己既『召喚符』,去比其他召喚,熱門畫符位置通常係構火或者係王房門前

dark-souls-3


入侵模式
分為『主動入侵』同『被動召喚』。『主動入侵』時,玩家需要使用『餘燼』,然後使用『紅色眼眸寶石』/『龜裂紅色眼眸寶石』等入侵道具

『被動召喚』時,玩家可以使用『紅蠟石蠟筆』,畫下召喚符,比其它世界既 Host召喚。但係有樣野要注意,『紅蠟石蠟筆』需要玩家為『餘燼模式』先用得,當玩家係在『被動召喚』時比人KO咗,咁樣玩家係呢個時候就會進入一個『入侵保護時間』,係呢個時間係唔會比人入侵到的。

PvP


靈體相關

無論玩家係用乜身份進入人地世界,只要你係『靈體』,就不會享受到『餘燼』帶來既HP加強效果,主力玩入侵既玩家必需要注意。

此外,作為靈體,係無辦法直接攻擊對方世界既『NPC』,而對方世界既『NPC』係會以『鬼魂』姿態表示。

maxresdefault

About 森麻

VJGamer總編 (毒撚),歡迎投稿

Connect

Connect on Facebook View all Posts