【試玩報告】全新感覺《New Gundam Breaker》變成爽度十足大亂鬥!?

同樣地係「C3AFA HK 2018」會場內,另一隻引人注目既新作就係《New Gundam Breaker》,今次作品唔係用四代命名而係採用新名可見官方打算大改遊戲缺點,其中最引人注目既就係玩家所使用既 GUNPLA 可以即時更換現場打返黎既零件,到底實際係點?即刻去片!

 

片段所見係畫面正下方有5個空格,呢幾個格仔就係要黎儲存新鮮打返黎既零件,只要企定定時按方向鍵下就會比較同部位新零件數值及裝備中零件數值優劣。感覺上的確係幾新鮮,但係仲未知道呢5格以外既零件係過關後會唔會計算為獲得零件,始終玩 Breaker 係格納庫度慢慢砌自己心目中既靚機係重點黎嘛!

 

今次試玩部份係屬於大亂鬥場,戰鬥途中會不停出現新任務,感覺上有啲亂,但係比起上一代不停玩守點實在優勝太多……另外場景部份比起以往更用心,辦公室既枱枱櫈櫈,枱上面既模型油等等像真度極高,抵讚!

真係靚過以前好多!

 

《New Gundam Breaker》預定 2018年發售,對應平台為 PS4,不過由 2月9日至11日會係會展「C3AFA HK 2018」入面試玩到,把握機會阿!

 

About 森麻

VJGamer總編 (毒撚),歡迎投稿

Connect

Connect on Facebook View all Posts