LEGO《Cities Of Wonders》台灣限定 台中火車站 & 中正紀念堂 開箱

再次多謝台灣 Bricker 團隊幫助借出一套四款《Cities Of Wonders》台灣限定。四款都出自台灣 LEGO 認證大師 (LEGO Certified Professional) 黃彥智黃醫師嘅手筆。尋日介紹左85大樓 同 赤崁樓 ,今日就同大家睇埋剩低嘅台中火車站中正紀念堂啦!

13244778_1726140581008657_7374041984998903934_n


台中火車站 Taichung Station

159件,又係低件數大效果嘅表現

製作過程

台中火車站 Taichung Station Parts List

 

本身台中火車站嘅建築設計就同好多古式火車站相似,但係黃醫師選件嘅時候特登將車站一啲位置輕微誇大些少,去特出台中火車站中好標誌性嘅特點好似站前簷蓬、屋頂、鐘樓等等。雖然台中火車站經已喺 2016 年停用,但如果大家去台中市中區都仲可以去參觀,因為佢經已改做文化藝術用途,鍾意啲文青野記得去行下睇下啦!  


中正紀念堂 Chiang Kai-Shek Memorial Hall

154件,全套四件中最少件數,但還原度似乎最高

中正紀念堂 Chiang Kai-Shek Memorial Hall Parts List

中正紀念堂冇去過都有睇過佢相,點都記得佢外觀啦!再次證明黃醫師對原建築變成自己作品下嘅「取捨」掌握得十分穩陣。大家有留意中正紀念堂的話會好記得堂下嘅長梯級,但為左整體結構同主體表現,黃醫師明顯縮細梯級去特顯紀念堂嘅外貌!而中正紀念堂牌匾亦係台灣限定中唯一嘅「反件」使用位置。而且堂中亦用左隻 Body Microfig 去表現中正紀念堂內嘅蔣中正銅像。唔好以為銅像變左灰色石像,只係原來 Body Microfig 係冇出產過銅色或深紅色,但為形態上選用 Body Microfig 就更似原本造型。

 


總結

同一主題、同屬建築,設計、造法、選材,相比之下發現兩地嘅作品除左設計者風格之外,當地文化同思維都可以喺作品製作過程中流露到出嚟。

香港限定用件比較多、仔細、用件方法高,作品同原建築比例上相近;台灣限定用件以少取勝、組裝方式穩陣、突出原建築嘅特色。

如果大家搵得返呢兩Set限定,又或者睇Parts List自組,大家可以交流下當中感受同心得啊。

相關文章:

LEGO《Cities Of Wonders》香港限定 尖沙咀鐘樓 開箱

LEGO《Cities Of Wonders》香港限定 終審法院大樓 開箱

LEGO《Cities Of Wonders》香港限定 大埔鐵路博物館&上環西港城 開箱

LEGO《Cities Of Wonders》台灣限定 85大樓 & 赤崁樓 開箱

 

About 阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 乜都識少少但係唔怕問唔怕學,周身刀冇張利嘅阿宅!

Connect

View all Posts