【毒物包膠】Brook PS4/PS3 > Switch super converters轉插

話說早兩日買左隻HORI リアルアーケード Pro.V HAYABUSA 2017 返黎打Gundam Versus,買之前已經盤算住有冇辦法將佢駁埋落部SWITCH到用?咁岩呀炮提醒左我之前睇過既一隻轉插-BROOK PS3/PS4 to Wii U Super Converter,最近有更新可以支援埋SWITCH…


轉個撚頭淘寶兩日就落左黎,搞左一大輪都唔得,再問返個店主,原來一定要先用一隻PS3/PS4 原廠或標準的副廠手掣 (副廠唔係隻隻得)做登錄之用,然後先可以用其他街機掣。

 

流程:
1. 插入轉接器及用有線模式連住你隻手掣,呢個時候會長著綠燈
2. 同時按住 「交叉 + 方格 + 左 + 下 + L1」直到綠燈閃爍
3. 用SWITCH的手掣或TOUCH MODE 進入配對手掣畫面
4. 等待SWITCH自動辨識手掣後就可以正常使用

 

 

實測後發現PS4手掣玩Splatoon 2前夜祭除左無體感之外所有按鍵都可以對應返,基本上係100% MATCH。
(提返大家岩岩開GAME教學時預設係用體感上下瞄準,所以R-STICK只可以左右平移)

 

既然PS4 手掣可以完美支援,咁我隻大掣應該都得啦?正當我滿心歡喜咁將我隻HORI插落去Brook到既時候,我發現啪到爛掣佢都無反應,上下左右棍仔都好似死魚咁,雖然SWITCH係認到我插左手掣,不過就完全無反應。

 

好彩大掣本身支援PS3及PC模式,而Brook亦都同時支援PS3同PS4手掣,將大掣轉到PS3模式同重新拔插後終於成功由死魚變活魚,最少係HOME畫面係可以用到。

 

不過當再入返Splatoon既時候同之前既情況一樣,除左跳,地圖,射擊等有反應之外碌棍係完全無晒Feel,但係轉玩孖賽同埋Battle Sport 既時候就可以正常操作,而且無感覺有特別DELAY既情況,估計係需要兩碌合體或者Pro掣限定既遊戲未必支援。

 

不過本來我就只係想用 Hori 黎打 Pokken,既然係樹屋試玩會可以用單邊掣雙打,咁我諗可以成功玩到既機會都好大,不過留意返既就係WII-U 既時候Brook就特別為明星大亂鬥同Pokken另外出左一個Firmware 更新,可能到時會有變數都唔定。

 

而店主亦都話黎緊呢一兩個拜禮廠家會再有更新,話係增加體感瞄準咁話喎,不過我就唔係好明原本無體感既手掣點樣可以夾硬加個體感瞄準呢?識無中生有定係五餅二魚?

 

回帶相關文章:

平價版 Nintendo Switch 轉插「酷威COOV」測試報告

 

About 打機的肥仔姓死

打機的肥仔姓死 @u2randomgame

Connect

View all Posts